Pleyeri seçin:
Arda Gülər “Real Madrid” klubunda rekord qırır
Türkiyə millisinin və “Real Madrid”in gənc ulduzu Arda Gülərin fanatlarının sayı artmağa davam edir.
Belə ki, istedadı ilə bütün dünyanın diqqətini cəlb edən 19 yaşlı yarımmüdafiəçinin forması "Real Madrid" mağazalarında ən çox tələb olunanlar sırasında yer alır.
Arda Gülər dünya ulduzları Kilian Mbappe, Vinisius Junior və Luka Modriçdən sonra "Real Madrid" mağazalarında ən çox forması satılan beşinci futbolçudur.
Qeyd edək ki, İspaniya nəhəngi bir müddət əvvəl heyətin bəzi oyunçularının formasındakı nömrələri dəyişib. Onların arasında Arda Gülər də var. Türk futbolçu 2024/25-ci illər mövsümündə 15 nömrəli forma ilə çıxış edəcək. Ardanın formasının qiyməti 70 və 160 avro arasında dəyişir.
Kopyalandı