İdman
Pleyeri seçin:
Artur Beterbiyev və Dmitri Bivol arasında revanş döyüşünün vaxtı məlumdur
Dünyaca məşhur peşəkar boksçular Artur Beterbiyevlə Dmitri Bivol arasında keçiriləcək revanş döyüşünün vaxtı açıqlanıb.
Yarımağır çəkidə mübarizə aparan idmançılar arasında görüş 2025-ci il fevralın 22-də baş tutacaq. Döyüş Səudiyyə Ərəbistanının paytaxtı Ər-Riyadda keçiriləcək.
Xatırladaq ki, Artur Beterbiyev və Dmitri Bivol daha əvvəl bu il oktyabrın 13-də üz-üzə gəliblər. Hakimlərin qərarı ilə qalib gələn Beterbiyev IBF, WBC, WBO, WBA Super və IBO kəmərlərinin sahibi olub. Bununla da, o, yarımağır çəkidə mütləq dünya çempionu adına yiyələnib.
Karyerası ərzində məğlub olmayan dəri əlcək ustası həm də ümumilikdə 21-ci qələbəsini qazanıb. 2017-ci ildən bəri sahib olduğu WBA Super və IBO titullarını itirən və indiyədək 24 görüşə qatılan Dmitri Bivol isə ilk dəfə olaraq məğlubiyyətlə üzləşib.
Kopyalandı
