Atatürk pankartları qadağan edildi | “Qalatasaray” - “Fənərbağça” matçı ləğv olundu

Səudiyyə Ərəbistanında oynanılması gözlənilən Türkiyə Super Kuboku qarşılaşması ləğv edilib.

Buna səbəb yerli hakimiyyətin arenada Atatürk pankartları, köynəkləri və İstiqlal Marşını qadağan etməsi olub.

Səudiyyə rəsmiləri Türkiyə tərəfinin müraciətlərinə mənfi cavab verib.

Nəticədə “Qalatasaray” – “Fənərbağça” matçı ləğv edilib. Hər iki komanda Səudiyyə Ərəbistanındakı görüşdə stadiona getməyiblər. Futbolçuların Türkiyəyə geri qayıtmağa hazırlaşdığı bildirilib.

Qeyd edək ki, qarşılaşma dekabrın 29-da Bakı vaxtı ilə saat 21:45-də başlamalı idi.