Pleyeri seçin:
“Atletiko” Türkiyə millisinin ulduzunu heyətinə qatıb
Xəbərlərimizi Google-da izləyin
Yeniliklərdən dərhal xəbərdar olun
Türkiyə millisinin üzvü Çağlar Söyüncü karyerasını İspaniyada davam etdirəcək.
“Lester Siti”dən ayrıldıqdan sonra azad agent statusunda olan 27 yaşlı müdafiəçi “Atletiko Madrid”lə 4 illik müqavilə imzalayıb. Bu barədə İspaniya təmsilçisinin rəsmi saytında məlumat verilib.
Qeyd edək ki, 2018-ci ildən “Lester Siti”də çıxış edən Çağlar ötən mövsüm cəmi 9 görüşdə meydanda olub və 1 qolla yadda qalıb. “Tülkülər”in 21 milyon avroya transfer etdiyi futbolçu ümumən komandanın heyətində bütün turnirlərdə 132 matçda 4 qol vurub.
Bundan başqa, Ç.Söyüncü karyerası ərzində Türkiyənin “Altınordu” və Almaniyanın “Frayburq” komandalarında forma geyinib. Klub səviyyəsində FA kuboku və İngiltərə Super kubokunu qazanan oyunçu Türkiyə millisinin də aparıcı üzvlərindəndir. 2015-ci ildən yığmaya dəvət olunan Çağlar “ay-ulduzlular”ın heyətində 53 matçda iştirak edib və 2 qola imza atıb.
Kopyalandı
#Çağlar Söyüncü teqi istifadə olunub
Seçilmişlər
