AVRO-2024 | Türkiyə - Gürcüstan matçı

Futbol üzrə Avropa çempionatının F qrupunda mübarizəyə start verilib.

Birinci turun görüşündə Türkiyə və Gürcüstan milliləri üz-üzə gəlib.

Oyunda hesab 25-ci dəqiqədə açılıb. “Ay-ulduzlular”ın heyətindən Mərt Müldür komandasının ilk qolunun müəllifi olub. 7 dəqiqə sonra gürcülər tarazlığı bərpa ediblər. Georgi Mikautadze fərqlənib. Tərəflər fasiləyə 1-1 hesablı bərabərliklə yollanıblar.

İkinci yarıda da üstünlüyü əldən verməyən Türkiyə yığması daha bir topu Gürcüstan seçməsinin qapısına göndərib. Bu dəfə gənc ulduz Arda Gülər hədəfi dəqiq nişan alıb. Oyunda son nöqtəni Kərəm Aktürkoğlu qoyub. Beləliklə, Türkiyə millisi turnirə 3-1 hesablı qələbə ilə start verib.

Qeyd edək ki, Türkiyə millisi 2-ci turun matçında Portuqaliya yığması ilə qarşılaşacaq. Gürcüstan seçməsinin rəqibi isə Çexiya yığması olacaq.