Pleyeri seçin:
AVRO-2024-ün 1/8 final mərhələsində daha 2 matç keçiriləcək
İyunun 30-da Avropa çempionatının 1/8 final mərhələsinin daha 2 matçı baş tutacaq.
İlk qarşılaşmada İngiltərə millisi Slovakiyanı sınağa çəkəcək. Bakı vaxtı ilə saat 20-də başlayacaq oyun Helzenkirxendəki “Feltins Arena”da keçiriləcək. Görüşü türkiyəli referi Halil Umut Meler idarə edəcək.
Digər matçda isə İspaniya və Gürcüstan yığmaları münasibətlərə aydınlıq gətirəcək. “Rein Enerji” stadionunda baş tutacaq görüş saat 23-də başlayacaq. Oyunda ədalət prinsiplərini fransalı Fransua Leteksyenin rəhbərlik etdiyi hakimlər briqadası qoruyacaq.
Qeyd edək ki, daha əvvəl İsveçrə və Almaniya milliləri 1/4 final mərhələsinə vəsiqə əldə ediblər.
Kopyalandı