Pleyeri seçin:
Avropa liqası: “Fənərbağça” 1/8 finalın cavab matçına çıxıb
“Fənərbağça” komandası Avropa liqasının 1/8 finalında “Reyncers”ə qarşı cavab matçına çıxıb.
İlk görüşdə 1-3 hesabı ilə uduzan İstanbul təmsilçisi Şotlandiyadakı oyuna istəkli başlayıb.
Türkiyə klubunun hücumları fasilə ərəfəsində nəticə verib. Sebastyan Şimanski hesabı açıb. 73-cü dəqiqədə Şimanski dublunu rəsmiləşdirib: 2-0.
Əsas vaxtın sonunadək başqa qol olmayıb. Beləliklə, iki matçın ümumi hesabı bərabərləşib: 3-3.
Əlavə 30 dəqiqədə də tərəflər fərqlənə bilmədiyindən penaltilər yerinə yetirilib. Burada isə “Reyncers” futbolçuları daha dəqiq olublar. Nəticədə “Fənərbağça” turnirlə vidalaşıb.
Daha bir maraqlı görüşdə “Mançester Yunayted” “Real Sosyedad”ı 4-1 hesabı ilə məğlub edib. “Old Trafford” arenasındakı oyunda Brunu Fernandeş het-trik edib. Digər qol Dioqu Dalotun aktivindədir.
İki qarşılaşmanın yekununda 5-2 hesabı ilə güclü olan “qırmızı şeytanlar” növbəti raunda adlayıb. Mankuanianlar burada “Lion”la üz-üzə gələcək.
Kopyalandı
Seçilmişlər
