Avropa nəhənglərinin hədəfində olan 18 yaşlı hücumçu

Dortmund “Borussiya”sının gənc ulduzu Yussufa Mukoko tezliklə klubunu dəyişə bilər.

18 yaşlı hücumçu “Real Madrid”, “Bavariya” və “Çelsi”nin maraq dairəsindədir.

Bundan başqa, Avropanın digər nəhəng komandaları da Yussufanın inkişafını diqqətlə izləyirlər. Bildirilir ki, Dortmund təmsilçisi istedadlı oyunçusunun transferindən azı 60 milyon avro qazanmaq niyyətindədir.

Qeyd edək ki, ötən mövsüm bütün yarışlarda 35 matçda 7 qol vuran Yussufa cari mövsümdə hələ ki 5 oyunda 1 topla yadda qalıb.