Azərbaycan çempionatı: "Neftçi" - "Qarabağ" matçı

Azərbaycan çempionatında 9-cu turun mərkəzi görüşü “Neftçi” və “Qarabağ” arasında olub.

“Neftçi Arena”da keçirilən matçda fasiləyədək tərəflərin fərqlənmək imkanları olsa da, hesab açılmayıb. 2-ci hissəyə isə “köhlən atlar” qolla başlayıb. Juninyo Ağdam təmsilçisinə üstünlük qazandırıb: 1-0.

Bundan sonra “ağ-qaralar”ın məğlubiyyətdən qurtulmaq cəhdləri nəticəsiz qalıb. 88-ci dəqiqədə isə qonaqlar 2-ci topu “Neftçi”nin qapısından keçiriblər. Bu dəfə Redon Cica hədəfi dəqiq nişan alıb. Qalan vaxtda başqa qol olmayıb.

Qarşılaşmada 2-0 hesabı ilə güclü olan “Qarabağ” bütün yarışlarda ardıcıl 6-cı qələbəsinə sevinib. Bu nəticədən sonra Premyer liqada 19 xalı olan baş məşqçi Qurban Qurbanovun kollektivi “Zirə” ilə 1-ci, 2-ci yerləri bölüşdürür. 12 xalı olan “Neftçi” isə 5-cidir.

Qeyd edək ki, “köhlən atlar” növbəti turda “Turan Tovuz”un, “Neftçi” isə “Səbail”in qonağı olacaq.