Azərbaycan çempionatında fantastik hesab qeydə alındı

Azərbaycan çempionatında 1-ci divizionun “Turan Tovuz-2” və “Araz Naxçıvan” komandaları arasında matçında 11 qol vurulub.

Tovuz şəhərində keçirilən 22-ci turun görüşündə hesabı meydan sahibləri açıblar. 7-ci dəqiqədə Akif Tağıyev rəqib qapısını dəqiq nişan alıb. 4 dəqiqə sonra Orxan Əliyevin topu ilə tarazlığı bərpa edən qonaqlar çox keçmədən Bayraməli Qurbanovun ilə qolu irəli çıxıblar: 2-1.

Fasiləyədək daha 3 qol qeydə alınıb. 20-ci dəqiqədə Elvin İsmayılov “Turan”ın 2-ci qolunu vurub. Yarım saatın tamamında isə tərəflər ardıcıl olaraq avtoqolla yadda qalıblar. Yerli kollektivdən Səbayıl Bağırov, “Naxçıvan” təmsilçisindən isə Həzrət İsayev topu komandasının qapısına göndərib. İlk hissə 3-3 hesabı ilə bitib. 61-ci dəqiqədə Bayraməli Qurbanov “Araz”a yenidən üstünlük qazandırsa da, Elçin Qasımov və Abbas Ağazadənin ardıcıl qolları ilə “Turan” irəli keçib: 5-4.

Lakin ruhdan düşməyən “Naxçıvan” klubu oyunun sonlarına doğru dönüş edərək qarşılaşmadan qalib ayrılıb. 72-ci dəqiqədə Fəhmin Muradbəyli, 88-ci dəqiqədə isə Orxan Əliyevin qolu qonaqlara 6-5 hesablı qələbə qazandırıb. Ardıcıl 7-ci qalibiyyətdən sonra 53 xalı olan “Araz” 1-ci divizionun ilk pilləsində qərarlaşıb. 35 xalı olan “Tovuz” təmsilçisi isə 4-cü yerdədir.