Azərbaycan güləşçiləri Xorvatiyada keçirilən turniri 17 medalla başa vurub

Xorvatiyada keçirilən reytinq xarakterli turnir güləşçilərimizin uğurlu çıxışı ilə əlamətdar olub.

İdmançılarımız Zaqrebdəki yarışı 3-ü qızıl, 5-i gümüş və 9-u bürünc olmaqla ümumən 17 medalla tamamlayıblar.

Pəhləvanlarımızdan 70 kq çəkidə mübarizə aparan Kənan Heybətov sərbəst, 55 kq-da çıxış edən Elmir Əliyev isə yunan-Roma güləşində ölkəmizə qızıl medal qazandırıblar.

Bundan başqa, 59 kq-da yer alan qadın güləşçimiz Günay Qurbanova da fəxri kürsünün ən yüksək pilləsinə qalxıb.

Sərbəst güləşçilərimiz İslam Bazarqanov, Arseniy Djioyev və Osman Nurmaqomedovla yanaşı, qadınların turnirində Alyona Kolesnik və Jalə Əliyeva yalnız finalda uduzaraq gümüş mükafata yiyələniblər.

Daha 8 idmançımız Nürəddin Novruzov, Əli Rəhimzadə və Abubakr Abakarov sərbəst güləşdə, İslam Abbasov, Ruslan Nurullayev, Qurban Qurbanov, Murad Əhmədiyev və Sərxan Məmmədov isə yunan-Roma güləşində bürünc medalın sahibi olublar.