Azərbaycan kubokunda yarımfinalın 2 iştirakçısı məlumdur

Ölkə kubokunda 1/4 final mərhələsinin ilk matçında “Sabah”ı 7-1 hesabı ilə məğlub edən “Qarabağ” bu dəfə rəqibi ilə doğma meydanda qarşılaşıb.

Gərgin mübarizə ilə əlamətdar olan görüşdə 7 qol vurulub. Fasiləyədək “Sabah”ın heyətində Kristian və Jarl Marqaritanın qollarına “köhlən atlar” Hamidu Keytanın topu ilə cavab veriblər.

2-ci yarıda qonaqlardan İshak Belfodil dublunu rəsmiləşdirib. Ağdam təmsilçisindən isə Adama Diakabi qapını dəqiq nişan alıb. 77-ci dəqiqədə “Qarabağ” azlıqda qalıb. Riçard Almeyda birbaşa qırmızı vərəqədən sonra meydandan uzaqlaşdırılıb.

Qalan vaxtda “Sabah” qələbə hesabını qoruya bilib. Ancaq 2 matçın yekununda 10-5 hesabı ilə güclü olan “Qarabağ” yarımfinala yüksələn tərəf olub. Növbəti mərhələnin digər iştirakçısı adına “Zirə” kollektivi yiyələnib.

Doğma meydanda “Səbail”lə üz-üzə gələn “qartallar” Abbas İbrahim, Rəhim Sadıxov və Rafael Utziqin qolları ilə 3-0 hesablı qələbə qazanıblar.

İlk qarşılaşmada 2-1 hesabı ilə üstün olan “Zirə” 2 görüşün yekununda 5-1 hesabı ilə qalib gələrək yarımfinala adlayıb.