Azərbaycan millisi Fransa yığması ilə qarşılaşdı

Futbol üzrə Azərbaycan millisi DÇ-2026-nın seçmə mərhələsində sonuncu oyununu keçirib.

Ayxan Abbasovun baş məşqçisi olduğu kollektiv Bakıda Fransa yığmasını qəbul edib.

Tofiq Bəhramov adına Respublika stadionundakı qarşılaşma rəqibin qələbəsi ilə yekunlaşıb – 3:1. Hesabı 4-cü dəqiqədə Renat Dadaşov açıb. Qonaqlarda 17-ci dəqiqədə Jan-Filipp Mateta, 30-cu dəqiqədə Manes Akliuş fərqlənib. 45+1-ci dəqiqədə isə Şahruddin Məhəmmədəliyev avtoqol müəllifi olub.

Azərbaycan millisinin baş məşqçisi Ayxan Abbasov mətbuat konfransında matçla bağlı fikirlərini bölüşüb:

“İstəyirdik ki, evdə inamlı oynayaq. İslandiya ilə matçda bu alınmadı. Bəlkə də, qələbə qazanmağı çox arzulayırdıq. Bu gün isə daha rahat idik, ilk qolu vurduq. Fransaya qol vurmağın özü də çətindir”.

“Burada məqsədimiz işimizi görmək idi. Birinci hissə çətin oldu. Rəqib çox aqressiv davranırdı. Sonda qalib gəldik. Oyunçularla danışdım. Növbəti matçlara da hazırıq.

Oyunlar 90 dəqiqə olur. Təəssüf ki, aqressiv və dinamik komanda ilə qarşılaşdıq. Rəqib qol vurdu, amma sonra vəziyyəti dəyişə bildik. Əlimizdən gələni etdik və qələbə qazandıq”, – Fransa yığmasının baş məşqçisi Didye Deşam mətbuat konfransında deyib.