Azərbaycanlı futbolçununun keçidinə görə 800 min avro ödənilib

Bir neçə gün əvvəl “Kocaelispor”a qoşulan Ramil Şeydayevin transferinə görə ödənilən məbləğ məlum olub.

Məşhur “Transfermarkt” portalında verilən məlumatına görə, Türkiyə kollektivi Ramilin keçidi üçün Tailandın “Buriram Yunayted” klubuna 800 min avro ödəyib.

Qeyd edək ki, “Kocaelispor”la 1 il yarımlıq müqavilə imzalayan R.Şeydayevin mövsümün sonunadək 300 min avro qazanacağı bildirilir. Növbəti mövsümdə isə onun gəliri təqribən 550 min avro təşkil edəcək.