Azərbaycanlı MMA ulduzu Rafael Fiziyev niyə üzr istədi?

UFC-313 turnirində amerikalı döyüşçü Castin Qeyciyə məğlub olan Rafael Fiziyev fanatlarından üzr istəyib.

Azərbaycanlı MMA ulduzu bununla bağlı şəxsi “X” hesabında paylaşım edib.

“Uşaqlar bağışlayın, sizi sevindirə və qalib gələ bilmədim. Castini isə təbrik edirəm. Oktaqonu yenidən səninlə bölüşmək möhtəşəm idi”, – deyə R.Fiziyev bildirib.

Qeyd edək ki, Rafael Fiziyev və Castin Qeyci martın 9-u Los Angelesdə keçirilən UFC-313 turnirində üz-üzə gəliblər. 3 raund davam edən görüşün yekununda Qeyci hakimlərin qərarı ilə qalib elan olunub.

Daha əvvəl isə bu idmançılar 2023-cü ilin martında “UFC-286” turnirində qarşılaşıblar. Həmin döyüş də Castinin qələbəsi ilə yekunlaşıb.

Əlavə edək ki, MMA yarışlarında ümumən 16 görüş keçirən Rafael Fiziyev 8-i nokautla olmaqla 12 qələbə qazanıb.