Pleyeri seçin:
Bakıda UFC-nin turniri keçiriləcək
Dünyanın ən məşhur MMA təşkilatı UFC Bakıda turnir keçirməyi planlaşdırır.
Məşhur jurnalist Ariel Helvaninin məlumatına əsasən, yarışın iyunun sonlarında təşkili nəzərdən keçirilir.
Onun sözlərinə görə, hazırda bunun üçün danışıqlar gedir və artıq döyüşlərdən birində rəqiblərin adı məlumdur. Həmin görüşdə rusiyalı MMA ustası Tagir Ulanbekov və yaponiyalı Kodi Horiquçi qarşılaşacaq.
Qeyd edək ki, UFC təşkilatında azərbaycanlı idmançılar da mübarizə aparır. Təmsilçilərimizdən Rafael Fiziyev son olaraq martın 8-i Castin Qeyci ilə qarşılaşıb. Bu döyüş hakimlərin qərarı ilə amerikalının qələbəsi ilə yekunlaşıb.
Daha bir idmançımız Nazim Sadıxov isə fevralın 15-i braziliyalı İsmael Bonfimlə üz-üzə gəlib. Nazim bu döyüşdə texniki nokautla qalib gəlib.
Kopyalandı
