İdman
Pleyeri seçin:
“Barselona”nın nə qədər borcu olduğu məlumdur
Son illərdə ciddi maliyyə problemləri yaşayan “Barselona”nın nə qədər kredit borcu olduğu məlum olub.
İspaniya mətbuatının əldə etdiyi məlumata görə, “blauqrana”nın ümumilikdə 1,4 milyard avro borcu var və klub qarşıdakı 8 il ərzində bu məbləğ üzrə ödənişləri təmin etməlidir.
Lakin analitiklər hesab edirlər ki, “Barsa” yaxın illər ərzində tələb olunan məbləğə sahib ola bilməyəcək. Onlar klubun bu borcları bağlamaq üçün yeni kreditlər götürməyə məcbur olacağını bildirirlər. Buna baxmayaraq, ekspertlər “Barselona”nın hazırkı maliyyə vəziyyətini ötən illərlə müqayisədə daha stabil hesab edirlər.
Xatırladaq ki, kataloniyalılar bu problemlər səbəbindən son illərdə vacib futbolçularla vidalaşmalı olublar. Lionel Messi, Jerar Pike, Jordi Alba və Serji Buskets kimi ulduzlar məhz maliyyə çətinlikləri ilə əlaqədar klubu tərk ediblər.
Kopyalandı
Seçilmişlər
