“Bavariya” 80 milyon avroya hücumçu transfer etməyə hazırlaşır

Robert Levandovskinin gedişindən sonra hücum xəttində problemlərlə üzləşən “Bavariya” Harri Keynin transferində israrlıdır.

Münhenlilər “Tottenhem”in komandada saxlamaq istədiyi oyunçuya görə 80 milyon avrodan artıq məbləğ ödəməyə hazırdır.

İngiltərə və Almaniya mətbuatında yayılan məlumata görə, Harri özü də “Bavariya”ya keçmək istəyir. Ancaq Şimali London təmsilçisi 29 yaşlı forvardla yeni sözləşmə imzalamaq niyyətindədir. Bildirilir ki, “mahmızlar” müqaviləsi gələn yayadək nəzərdə tutulan Keynin potensial keçidindən azı 100 milyon avro qazanmağı planlaşdırır.

Qeyd edək ki, “Tottenhem”in yetirməsi olan Harri əsas heyətdə 2012-ci ildə debüt edib. Bu müddət ərzində 435 görüşdə 280 qol vuran oyunçu klubla hələ ki, heç bir yarışın qalibi olmayıb.