İdman
Pleyeri seçin:
“Bavariya” hücumu yeni ulduz futbolçu ilə gücləndirəcək
“Tottenhem”in lideri Harri Keyn doğma klubunu tərk etmək istəyir. Almaniya mətbuatında yayılan məlumata əsasən, ulduz futbolçu “Bavariya”ya keçmək niyyətindədir.
Belə ki, hücum xəttini gücləndirmək istəyən və müxtəlif variantları nəzərdən keçirən “rekordmayster” yekunda H.Keyni transfer etmək qərarına gəlib. Almaniya çempionu yaxın vaxtda Harri üçün danışıqlara başlamaq niyyətindədir.
Son xəbərlərə əsasən, “Tottenhem” ingiltərəli oyunçuya görə 100 milyon avro tələb edir. “Bavariya” isə bu məbləği azaltmağı planlaşdırır.
Qeyd edək ki, müqaviləsi 2024-cü ilin yayınadək nəzərdə tutulan H.Keyn “Tottenhem”in yetirməsidir. 2012-ci ildə “mahmızlar”ın əsas heyətində debüt edən forvard bütün yarışlarda 435 görüşdə 280 qolun müəllifidir. Bundan başqa, o, karyerası ərzində icarə əsasında “Leyton Orient”, “Milluol”, “Norviç” və “Lester” kimi klublarda da çıxış edib.
Kopyalandı
Seçilmişlər
