Belarusun məşhur klubunun matçları Sumqayıtda olacaq

Belarusun “Dinamo Minsk” komandası Konfrans Liqası görüşlərini Sumqayıtda keçirəcək.

UEFA-nın qərarına əsasən, Minsk komandasına liqa mərhələsinin ev oyunlarını Mehdi Hüseynzadə adına Sumqayıt şəhər stadionunda təşkil etməyə icazə verilib.

Qeyd edək ki, Minsk təmsilçisi Konfrans Liqasında ilk ev matçını oktyabrın 3-ü Şotlandiyanın “Harts” kollektivinə qarşı keçirəcək. Noyabrın 28-i Danimarka “Kopenhagen”ini qəbul edəcək “Dinamo” dekabrın 12-si Şimali İrlandiyanın “Larn” klubu ilə üz-üzə gələcək.