Pleyeri seçin:
“Beşiktaş” Avropa liqası matçını Bakıda keçirmək istəyir
Avropa liqasında Liqa mərhələsinin “Beşiktaş” – “Makkabi” oyunu Bakıda keçirilə bilər.
Belə ki, Türkiyə hökuməti təhlükəsizlik səbəbindən matçın İstanbulda təşkilinə razı olmadığı üçün tərəflər alternativ variant axtarışına başlayıb.
Bu ölkənin mediasının yaydığı xəbərə görə, “Beşiktaş” noyabrın 28-nə nəzərdə tutulan qarşılaşmanın Bakıda keçirilməsi üçün UEFA-ya müraciət edib. Bildirilir ki, İstanbul klubunun rəsmiləri İsrail komandası ilə ortaq ölkə olaraq Azərbaycanı gördükləri üçün matçın paytaxtımızda təşkilini istəyirlər.
Qeyd edək ki, Liqa mərhələsinə uğursuz başlayan “qara qartallar” 1-ci turda “Ayaks”a 0-4 hesabı ilə uduzub. 2-ci oyunda “Ayntraxt”a 1-3 hesabı ilə məğlub olan “Beşiktaş” 3-cü turda “Lion”a 1-0 hesabı ilə qalib gəlib. Bu nəticədən sonra 3 xalı olan komanda yarış cədvəlində 27-ci yerdədir. Bütün qarşılaşmalarda uduzan “Makkabi Təl-Əviv” isə 34-cüdür.
Kopyalandı
#Beşiktaş FK teqi istifadə olunub
Seçilmişlər
