Bu gün “Qarabağ” klubu “Neftçi”nin qonağı olacaq

16 fevral 2025 243 baxış

“Neftçi” Azərbaycan Premyer Liqasında növbəti görüşünə çıxacaq.

Paytaxt klubu 23-cü tur çərçivəsində əzəli rəqibi “Qarabağ”la üz-üzə gələcək.

“Neftçi Arena”da keçiriləcək qarşılaşmaya saat 19-da start veriləcək. Oyunda ədalət prinsiplərini Rəvan Həmzəzadənin başçılıq etdiyi hakimlər briqadası qoruyacaq.

“Ağ-qaralar” Ağdam kollektivi ilə oyuna bəzi itkilərlə çıxacaq. Belə ki, bərpa dövrünü davam etdirdiyi üçün fərdi məşğul olan Andrey Ştoqrin, zədəli Elvin Camalov, həmçinin komanda ilə birlikdə məşqdə iştirak etsələr də, hələ tam hazır olmayan Dembo Darbo və Rafael Quzzo “Qarabağ”la görüşü buraxacaqlar.

Xatırladaq ki, “Neftçi” daha əvvəl 22-ci turda “Zirə” kollektivini 2-1 hesabı ilə məğlub edib. “Qarabağ” isə “Səbail” üzərində 5-0 hesablı qələbə qazanıb. Bu nəticələrdən sonra aktivində 24 xalı olan “Neftçi” turnir cədvəlinin 6-cı pilləsində qərarlaşıb. “Qarabağ” isə 53 xalla liderdir.

#Azərbaycan Premyer Liqası