Canni De Byazi azərbaycanlı jurnalistləri təhqir etdi

Azərbaycan millisinin baş məşqçisi Canni De Byazi Belçika ilə görüşdən sonra media nümayəndələrinin ünvanına nalayiq ifadə işlədib.

“Report” xəbər verir ki, mətbuat konfransı zamanı istefaya göndəriləcəyi təqdirdə jurnalistlərimizin suallarından ötrü darıxmayacağını bildirən De Byazi daha sonra otağı tərk edib.

Bildirilir ki, italiyalı mütəxəssis azərbaycanlı media nümayəndələrinin ünvanına təhqiramiz ifadə də işlədib.

Qeyd edək ki, daha sonra AFFA-nın baş katibi Sərxan Hacıyev 67 yaşlı məşqçinin fikirlərinə görə jurnalistlərdən üzr istəyib.