“Çelsi” və “İnter” arasında seçim edən məşhur hücumçu

“İnter” klubu “Çelsi”nin hücumçusu Romelu Lukakunu heyətinə qatmaq niyyətindədir.

Tanınmış insayder Fabritsio Romanonun məlumatına əsasən, Milan təmsilçisi 30 yaşlı oyunçuya görə 30 milyon avro təklif edib.

Bu, “İnter”in transferlə bağlı “zadəganlar”a artıq 2-ci müraciətidir. Belə ki, “neradzurri” İngiltərə klubuna daha əvvəl 25 milyon avroluq təklif göndərsə də, bu, “Çelsi”ni qane etməyib. Bildirilir ki, tezliklə tərəflər arasında yeni danışıqlar baş tutacaq.

Qeyd edək ki, Lukaku “İnter”lə yanaşı, “Əl-Hilal”ın da maraq dairəsindədir. Son xəbərlərə əsasən, Səudiyyə Ərəbistanı komandası belçikalı hücumçuya görə 40 milyon avro ödəməyə hazırdır. Ancaq forvard özü Avropada qalmağı planlaşdırır.