Çempionlar liqası: “Barselona” - “Bavariya” matçı

24 oktyabr 2024 222 baxış

Çempionlar liqasının Liqa mərhələsində 3-cü turun mərkəzi matçı “Barselona” və “Bavariya” arasında olub.

Barselona şəhərindəki Olimpiya Stadionunda keçirilən görüşdə 5 qol vurulub.

Hesabı artıq 1-ci dəqiqədə meydan sahiblərinin braziliyalı üzvü Rafinya açıb. 18-ci dəqiqədə Harri Keyn tarazlığı bərpa etsə də, bir qədər sonra Robert Levandovski komandasını yenidən irəli çıxarıb. Fasilə ərəfəsində dubl edən Rafinya fərqi 2-yə yüksəldib.

2-ci yarıda da yaxşı təsir bağışlayan “blauqrana” daha bir qol vurub. 56-cı dəqiqədə Rafinya het-trikini rəsmiləşdirib. “Barselona” – “Bavariya”: 4-1.

“Rekordmayster”ə darmadağınla qalib gələn kataloniyalılar 3 turdan sonra Liqa mərhələsinin yarış cədvəlində 10-cu pillədədir. “Bavariya” isə 23-cü yerdədir.

Qeyd edək ki, “Barselona” növbəti turda Serbiya çempionu “Srvena Zvezda”nın qonağı olacaq. “Bavariya” isə Portuqaliya nəhəngi “Benfika”nı qəbul edəcək.

#Barselona FK