Çempionlar liqasıl: “Nyukasl”, “Barselona” və “Mançester Siti”dən qələbə

UEFA Çempionlar liqasının qrup mərhələsində 2-ci tura yekun vurulub. Gözlənilməz nəticələrdən biri İngiltərədə “Nyukasl” və “Pari Sen-Jermen” arasında matçda qeydə alınıb.

“Sent-Ceyms Park” arenasındakı görüşdə 5 qol vurulub. “Sağsağanlardan” Migel Almiron, Den Börn, Şon Lonqstaff və Fabian Şörün qollarına, qonaqlar yalnız Lüka Ernandesin topu ilə cavab verib. “Nyukasl” – PSJ: 4-1.

Xallarının sayını 4-ə çatdıran “Nyukasl” F qrupunda liderliyə yüksəlib. 1 xal geri qalan PSJ isə 2-ci yerdədir.

Yarışın son qalibi “Mançester Siti” də turu qələbə ilə başa vurub. “Leypsiq” səfərində eyni adlı komanda ilə üz-üzə gələn “şəhərlilər” 3-1 hesabı ilə güclü olublar.

İngiltərə klubundan Fil Foden, Xulian Alvarez və Jeremi Doku, meydan sahiblərindən isə Lois Openda fərqlənib. Bu qalibiyyətdən sonra maksimum nəticəyə imza “Siti” G qrupunda ilk pillədə qərarlaşıb.

Portuqaliyada “Portu” kollektivinin qonağı olan “Barselona” da azarkeşlərini sevindirib. “Draqao” stadionundakı oyunda Ferran Torresin yeganə qolu ilə qələbə qazanan “blauqrana” 6 xalla H qrupuna başçılıq edir.

İspaniyanın digər təmsilçisi “Atletiko” da çətinliklə qalib gəlib. “Feyenoord”u qəbul edən Madrid komandası 2 dəfə hesabda geriyə düşsə də, yekunda əzmkarlıq göstərərək Moratanın dublu və Qrizmanın qolu sayəsində 3-2 hesablı qələbə qazanıb. Bu nəticədən sonra “Atletiko” “Latsio” ilə birlikdə E qrupunda 1-ci, 2-ci yerləri bölüşdürür.