Çempionlar liqasında 1/4 final mərhələsinə yekun vurulub

UEFA Çempionlar liqasında yarımfinalın son iştirakçıları müəyyənləşib.

Madriddəki oyunda 3-3 hesablı heç-heçə edən “Real” və “Mançester Siti” arasında cavab matçı da gərgin alınıb.

“Etihad Stedium”dakı görüşün 12-ci dəqiqəsində “kral klubu” Rodriqonun qolu ilə önə çıxıb. Bundan sonra təzyiqi artıran “şəhərlilər” bərabərlik topunu yalnız 76-cı dəqiqədə vurublar: 1-1. Əsas vaxt və əlavə 30 dəqiqə bu hesabla yekunlaşıb.

11 metrlik zərbələrdə isə “los blankos” daha dəqiq olub. “Real”ın uğurunda 2 qurtarış edən Andrey Lunin vacib rol oynayıb. Ümumilikdə isə penaltilər seriyasında 4-3 hesabı ilə güclü olan Madrid klubu yarımfinala yüksəlib.

“Real” yarışın finalına adlamaq uğrunda “Bavariya” ilə münasibətlərə aydınlıq gətirəcək. Yarımfinalın cavab görüşündə “Arsenal”ı qəbul edən “rekordmayster” qələbəni 1 qolla qazanıb. Yozua Kimmixin topu sayəsində 2 matçın yekununda 3-2 hesabı ilə qalib gələn münhenlilər mərhələ adlayıblar.

Qeyd edək ki, “Real” və “Bavariya” arasında yarımfinalın ilk oyunu aprelin 30-u Almaniyada olacaq. Cavab qarşılaşması isə mayın 7-si İspaniyada keçiriləcək.