İdman
Pleyeri seçin:
Çempionlar Liqasında 1/4 final start götürür
Bu gün UEFA Çempionlar liqasında 1/4 final mərhələsinə start veriləcək.
Gecənin əsas görüşü İspaniyada olacaq. “Real Madrid” “Santyaqo Bernabeu” arenasında yarışın son qalibi “Mançester Siti”ni qəbul edəcək.
Güclü rəqiblə oyuna səylə hazırlaşan “kral klubu”nda Tibo Kurtua və David Alaba zədəyə görə meydana çıxmayacaqlar. “Şəhərlilər”də isə Natan Ake və Kayl Uoker eyni səbəbdən matçı kənardan izləyəcəklər.
Mərhələnin digər görüşündə Bundesliqada çempionluq mübarizəsindən kənarda qalan “Bavariya” Londonda “Arsenal”ın qonağı olacaq. “Emireyts Stedium”da keçiriləcək oyuna hər iki komanda tam heyətlə hazırlaşır.
Qeyd edək ki, həm “Real Madrid” – “Mançester Siti” matçı, həm də “Arsenal” – “Bavariya” qarşılaşması Bakı vaxtı ilə saat 23:00-da başlayacaq.
Kopyalandı
Seçilmişlər
