Pleyeri seçin:
Çempionlar liqasında 1/8 finalın daha 2 görüşü keçirilib
UEFA Çempionlar liqasında 1/8 finalın daha 2 görüşü keçirilib.
Ötən mövsüm yarışın finalına qədər irəliləyən “İnter” “Cuzeppe Meatsa” arenasında “Atletiko”nu qəbul edib. Gözlənildiyi kimi gərgin mübarizə ilə əlamətdar olan matçın qalibini 79-cu dəqiqədə vurulan qol müəyyənləşdirib. Marko Arnautoviç “neradzurri”yə qələbəni gətirib. Bununla da, İtaliya klubu martın 13-ü keçiriləcək cavab oyunundan əvvəl üstünlük əldə edib.
Gecənin digər görüşündə Dortmund “Borussiya”sı PSV-nin qonağı olub. Eyndhoven şəhərində baş tutan matçın ilk hissəsi Donyel Malenin qolu ilə “sarı-qaralar”ın xeyirinə yekunlaşsa da, meydan sahibləri 2-ci yarıda tarazlığı bərpa ediblər. Lük de Yonq 11 metrlik cərimə zərbəsini dəqiq yerinə yetirib. Qalan vaxtda başqa qol olmayıb. PSV – “Borussiya”: 1-1.
Qeyd edək ki, tərəflər arasında cavab qarşılaşması martın 13-ü Dortmundda olacaq.
Kopyalandı
#İnter FK teqi istifadə olunub
Seçilmişlər
