Çempionlar liqasında 1/8 finalın daha 2 oyunu keçirilib

UEFA Çempionlar Liqasında 1/8 final mərhələsinin daha 2 oyunu baş tutub.

Qış transfer pəncərəsi dövründə bahalı keçidlərlə diqqət çəkən "Çelsi" "Siqnal İduna Park"da “Borussiya"nın qonağı olub.

Fasiləyədək hər iki komandanın fərqlənmək imkanları olsa da, hesab açılmayıb. Oyunda yeganə qol 63-cü dəqiqədə vurulub. Kərim Adeyeminin dəqiq zərbəsi dortmundlulara qələbə qazandırıb.

Qeyd edək ki, tərəflər arasında cavab görüşü martın 7-si keçiriləcək.