Çempionlar Liqasında 1/8 finalın ilk oyunlarına yekun vurulub

Çempionlar liqasında 1/8 final mərhələsinin ilk matçlarına 2 oyunla yekun vurulub.

Ötən mövsüm “skudetto”nu qazanan “Napoli” doğma meydanda “Barselona” ilə üz-üzə gəlib. Görüşdə hesabı 1 saatın tamamında Robert Levandovski açıb.

Bundan sonra hücumlarını sürətləndirən neapollular 75-ci dəqiqədə tarazlığı bərpa ediblər. Viktor Osimhenin qolu həm də yekun nəticəni müəyyənləşdirib. “Napoli” – “Barselona”: 1-1.

Tərəflər arasında cavab görüşü martın 12-si İspaniyada olacaq.

Gecənin digər qarşılaşması Portuqaliyada keçirilib. “Draqao” stadionunda təşkil olunan matçda “Portu” komandası “Arsenal”la üz-üzə gəlib. Oyunun taleyini əsas vaxta artırılan dəqiqələrdə vurulan qol həll edib. Qalenonun topu “Portu”ya minimal hesablı qələbə qazandırıb.

Qeyd edək ki, bu kollektivlər arasında cavab görüşü martın 12-si İngiltərədə olacaq.