Çempionlar liqasında ilk turun görüşlərinə yekun vurulub

UEFA Çempionlar liqasında ilk turun görüşlərinə yekun vurulub.

Maraqlı oyunlardan biri Münhenin “Alyans Arena” stadionunda keçirilib. “Bavariya” və “Mançester Yunayted” arasında matçda azarkeşlər 7 qol görüblər. İlk hissə Sane və Qnabrinin qolları ilə rekordmayster”in 2-0 hesablı üstünlüyü ilə yekunlaşıb.

2-ci yarının əvvəlində Höylund “qırmızı şeytanlar”ı ümidləndirsə də, az sonra Keyn fərqi yenidən 2-yə yüksəldib. Oyunun sonlarında daha 3 qol vurulub. 88 və artırılan 5-ci dəqiqədə Kazemiro 2 dəfə Ulrayxın qapısına yol tapıb. Münhenlilərdən isə Tel hədəfi dəqiq nişan alıb. Oyun “Bavariya”nın 4-3 hesablı qələbəsi ilə yekunlaşıb.

7 illik fasilədən sonra yenidən Çempionlar liqasının qrupunda çıxış edən “Arsenal” da ilk turu 3 xalla başa vurub. PSV Eyndhoveni qəbul edən “topçular” 4 cavabsız topla qələbə qazanıblar.

“Emireyts Stedium”da keçirilən qarşılaşmada meydan sahibləri Saka, Trossard və Jezuşun qolları ilə 1-ci hissəni 3-0 hesabı ilə öndə tamamlayıblar. 70-ci dəqiqədə isə Ödeqor matçda son nöqtəni qoyub. “Arsenal” – PSV: 4-0.

Qeyd edək ki, Çempionlar liqasının qrup mərhələsində 2-ci turun görüşləri oktyabrın 3-ü və 4-ü keçiriləcək.