Çempionlar Liqasının qalibi müəyyənləşdi | PSJ ardıcıl 2-ci dəfə çempion oldu - Baku TV

UEFA Çempionlar Liqasının 2025–2026-cı illər mövsümünün qalibi müəyyənləşib.

Macarıstanın paytaxtı Budapeştdə yerləşən “Puşkaş Arena” stadionunda keçirilən final görüşündə Fransanın PSJ və İngiltərənin “Arsenal” komandaları üz-üzə gəlib.

Oyunun start fitindən cəmi 4 dəqiqə sonra ingilislər hesabı açıblar. Kay Haverts rəqib qapısına yol taparaq komandasını önə keçirib.

Erkən qola baxmayaraq, matçda növbəti top yalnız ikinci hissənin ortalarında vurulub. Belə ki, 64-cü dəqiqədə Usman Dembele penalti zərbəsini dəqiq yerinə yetirərək hesabı bərabərləşdirib.

Qarşılaşmanın əsas vaxtında və əlavə olunan 30 dəqiqədə başqa qol qeydə alınmayıb. Qalibi müəyyənləşdirmək üçün penaltilər seriyasına ehtiyac yaranıb.

Penaltilər seriyasında daha dəqiq oynayan tərəf Paris təmsilçisi olub. Beləliklə, PSJ ardıcıl ikinci dəfə UEFA Çempionlar Liqasının qalibi adını qazanıb.