Pleyeri seçin:
Cüdoçularımız Avropa çempionatında 3 medal qazandı
Xəbərlərimizi Google-da izləyin
Yeniliklərdən dərhal xəbərdar olun
Cüdoçumuz Nizami İmranov gənclər arasında Avropa çempionu olub.
60 kq çəki dərəcəsində çıxış edən Nizami finalda israilli Yehonatan Vekslerlə qarşılaşıb. Rəqibini məğlub edən idmançımız Niderlandda keçirilən yarışda fəxri kürsünün ən yüksək pilləsinə qalxıb.
Daha bir təmsilçimiz, 66 kq-da yer alan Aydın Rzayev də həlledici görüşə vəsiqə qazansa da, burada uduzaraq 2-ci yerlə kifayətlənib.
Bundan başqa, qadınların mübarizəsində Aydan Vəliyeva da ölkəmizin aktivinə mükafat yazdırıb. 52 kq-da yarışan Aydan İtaliya nümayəndəsinə qalib gələrək bürünc medala yiyələnib.
Qeyd edək ki, Haaqa şəhərində təşkil olunan gənclərin Avropa çempionatında ölkəmiz 15 idmançı ilə təmsil olunur. Ümumən isə turnirdə 43 ölkədən 209-u kişi və 157-si qadın olmaqla 366 idmançı qüvvəsini sınayır.
Kopyalandı
Seçilmişlər
