İdman
Pleyeri seçin:
Cüdoçumuz Aysun Məmmədova Avropa kubokunda qızıl medalın sahibi olub
Azərbaycan cüdoçusu Aysun Məmmədova Avropa Kubokunda qızıl medal qazanıb.
İdmançımız Xorvatiyanın Poreç şəhərində keçirilən yeniyetmələr arasında yarışda müvafiq olaraq 1/16 finalda İsveçrə, 1/8 finalda Bosniya-Herseqovina, 1/4 finalda Kanada və yarımfinalda İsveçdən olan rəqiblərini üstələyərək adını finala yazdırıb.
52 kq çəki dərəcəsində mübarizə aparan Aysun həlledici görüşdə Moldova cüdoçusu Aleksendra Çironu məğlub edərək fəxri kürsünün ən yüksək pilləsinə qalxıb.
Qeyd edək ki, Avropa Kubokunda 37 ölkədən 813 idmançı iştirak edir. Ölkəmiz isə 5 çəki dərəcəsində 14 qız idmançı ilə təmsil olunur.
Kopyalandı
