Döyüşçümüz Tahir Abdullayev Həbib Nurməhəmmədovun qohumunu nokaut etdi

Azərbaycanlı məşhur MMA döyüşçüsü Tahir Abdullayev “UAE Warriors” təşkilatında çempion olub.

İdmançımız Birləşmiş Ərəb Əmirliklərinin paytaxtı Əbu Dabidə keçirilən yarışda Rusiya təmsilçisi, əslən dağıstanlı Şahban Alxasovla üz-üzə gəlib. Döyüş gərginliyi ilə diqqət çəksə də, T.Abdullayev ikinci raundda texniki nokautla qələbə qazanıb.

Maraq üçün deyək ki, Şahban Alxasov yüngül çəkidə keçmiş UFC çempionu Həbib Nurməhəmmədovun qohumudur.

Qeyd edək ki, Tahir Abdullayev karyerası ərzində 17 döyüş keçirib. Bunlardan 15-də qələbə qazanan həmyerlimiz 2 dəfə məğlubiyyətlə üzləşib. Onun 28 yaşlı rəqibi Ş.Alxasovun bu günə qədər 9 döyüşü olub. Şahban ilk dəfə “tank” ləqəbli idmançımız Tahirlə qarşılaşmada məğlub olub.