İdman
Pleyeri seçin:
Dünya çempionu olan yunan-roma güləşçilərimiz vətənə qayıdıb
Albaniyada keçirilən dünya çempionatında qızıl medal qazanan yunan-Roma güləşçilərimiz Vətənə dönüb.
Pəhləvanlarımızı Heydər Əliyev adına Beynəlxalq Hava Limanında ailə üzvləri, idman ictimaiyyətinin nümayəndələri və jurnalistlər qarşılayıblar.
Qeyd edək ki, Albaniyanın paytaxtı Tiranada keçirilən yarışda 55 kq çəki dərəcəsində mübarizə aparan Eldəniz Əzizli finalda iranlı Poya Marza qalib gələrək karyerasında 4-cü dəfə dünya çempionatının qızıl medalına yiyələnib.
Digər güləşçilərimiz 63 kq çəkidə qüvvəsini sınayan Nihat Məmmədli həlledici mərhələdə qazaxıstanlı, 72 kq çəki dərəcəsində mübarizə aparan Ülvü Qənizadə isə finalda fransalı İbrahim Qanemdən üstün olub. Yarışı 3 qızıl medalla başa vuran yunan-Roma millimiz 85 xalla dünya çempionu olub. Ölkəmiz ən yaxın izləyicisi İranı 34 xal qabaqlayıb.
Kopyalandı
Seçilmişlər
