Eden Azar “Real Madrid”i növbəti dəfə xərcə salıb

“Real Madrid” ötən yay klubdan ayrılan Eden Azara görə “Çelsi”yə 6 milyon avro ödəniş edib. Buna səbəb “los blankos”un Çempionlar liqasının finalına yüksəlməsidir.

Futbolçunun “Real”a transferi zamanı tərəflər arasında razılığa əsasən, İspaniya nəhəngi qitənin bir nömrəli klub turnirində hər dəfə finala adlayanda “zadəganlar”a ödəniş etməlidir. Hətta Azarın Madrid komandasından ayrıldıqdan sonra karyerasını başa vurması da transfer sövdələşməsindəki bəndə təsir etmir.

Qeyd edək ki, “Real” 2019-cu ildə heyətinə qatdığı Edenə görə “Çelsi”yə ilkin olaraq 100 milyon avro ödəyib. 49 milyon avro isə bonuslar şəklində nəzərdə tutulub.