Pleyeri seçin:
Elçin Məsiyev Avropa çempionatının oyununa təyinat alıb
Azərbaycanlı FIFA referisi Elçin Məsiyev Slovakiyada təşkil edilən 21 yaşa qədər futbolçulardan ibarət komandalar arasında Avropa çempionatının qrup mərhələsinin III turunda keçiriləcək Gürcüstan-Portuqaliya oyununun baş hakimi olacaq.
AFFA-nın mətbuat xidməti xəbər verir ki, ona Elşad Abdullayev və Pərvin Talıbov kömək edəcəklər. Dördüncü hakim funksiyasını Venesueladan olan Aleksis Errera yerinə yetirəcək.
İyunun 17-də Trençin şəhərində yerləşən “Siqot” stadionunda keçiriləcək C qrupunun matçı Bakı vaxtı ilə saat 20:00-da start götürəcək.
Qeyd edək ki, E.Məsiyev iyunun 12-də turnirin A qrupunun Çexiya və İngiltərə komandalarının arasında keçirilən oyunu idarə edib.
Kopyalandı
#Elçin Məsiyev teqi istifadə olunub
Seçilmişlər
