İdman
Pleyeri seçin:
Əliyar Ağayev “Bolonya” - “Monako” matçını idarə edəcək
Azərbaycanlı FIFA referisi Əliyar Ağayev UEFA-dan növbəti təyinat alıb.
Bu barədə AFFA-nın rəsmi saytında məlumat verilib.
Ə.Ağayev Çempionlar Liqasının Liqa mərhələsinin IV turu çərçivəsində keçiriləcək “Bolonya”– “Monako” oyununun baş hakimi olacaq. Ona Zeynal Zeynalov və Akif Əmirəli kömək edəcəklər. Dördüncü hakim funksiyasını Elçin Məsiyev yerinə yetirəcək. Matçın VAR hakimləri isə Almaniyadan Paskal Müller və Kristian Dingert olacaq.
Qeyd edək ki, noyabrın 5-i Bolonya şəhərində yerləşən “Renato Dall-Ara” stadionunda keçiriləcək görüş Bakı vaxtı ilə saat 23:59-da başlayacaq. Xatırladaq ki, Əliyar Ağayev son olaraq Çempionlar Liqasının Liqa mərhələsinin II turu çərçivəsində “Şturm”– “Brügge” matçını idarə edib. Qarşılaşma “Brügge”nin 1-0 hesablı qələbəsi ilə bitib.
Kopyalandı
Seçilmişlər
