Pleyeri seçin:
Ən dəyərli futbolçulardan ibarət rəmzi komanda hazırlanıb
Xəbərlərimizi Google-da izləyin
Yeniliklərdən dərhal xəbərdar olun
Məşhur “Transfermarkt” portalı dünyanın ən dəyərli futbolçularından ibarət rəmzi heyətini tərtib edib.
Bu komandanın qapısını Dortmund “Borussiya”sının qolkiperi Qreqor Kobel qoruyur.
Müdafiənin sol cinahında “Mançester Siti”nin ulduzu Yoşko Qvardiol, sağ cinahında “Real”a keçməyə hazırlaşan “Liverpul”un üzvü Trent Aleksander-Arnold qərarlaşıblar. Hər iki futbolçunun dəyəri 75 milyon avrodur.
Mərkəz müdafiəçisi kimi 80 milyon avro dəyəri olan “Arsenal”dan Vilyam Saliba və “İnter”dən Alessandro Bastoni mövqe tutublar.
Yarımmüdafiədə 130 milyon avro məbləğində qiymətləndirilən “kral klubu”nun uruqvaylı üzvü Federiko Valverde ilə yanaşı, “Qızıl top”un son qalibi, “Siti”nin ispaniyalı ulduzu Rodriyə yer verilib. İrəli xətdə isə 200 milyon avro dəyəri olan Vinisius Junior və Erlinq Holandla yanaşı, hərəyə 180 milyon avro dəyəri olan Cud Bellingem və Lamin Yamal qərarlaşıblar.
Qeyd edək ki, rəmzi komandanın hücum xəttini formalaşdıran bu 4 futbolçu həm də “transfermarkt”a əsasən dünyanın ən dəyərli oyunçularıdır. Ötən yay “Real”a qoşulan və 170 milyon avro dəyəri olan Kilian Mbappe isə 5-ci yerdədir.
Kopyalandı
Seçilmişlər
