İdman
Pleyeri seçin:
Erlinq Holand Premyer liqada tarixi uğura imza atıb
“Mançester Siti”nin ulduz futbolçusu Erlinq Holand Premyer liqada bir mövsüm ərzində “ən çox qol vuran futbolçu” adına yiyələnib. 22 yaşlı hücumçu bu göstəriciyə 28-ci turdan təxirə salınan matçda nail olub.
“Vest Hem”lə görüşün 70-ci dəqiqəsində fərqlənən E.Holand cari mövsümdə çempionatda 35-ci qolunu vuraraq Alan Şirer və Endi Koula məxsus rekordu yeniləyib.
Qeyd edək ki, İngiltərədə ilk mövsümünü keçirən Erlinq Premyer liqa ilə yanaşı, digər yarışlarda da uğurlu çıxışı ilə diqqət çəkir. Ümumən bütün turnirlərdə 45 görüşə qatılan istedadlı forvard 51 qolun müəllifidir. E.Holandın şərəfini qoruduğu “Mançester Siti” isə Premyer liqada lider olmaqla yanaşı, Çempionlar liqasının yarımfinal mərhələsindədir.
Kopyalandı
Seçilmişlər
