Pleyeri seçin:
Erlinq Holann ÇL-də 3 fərqli klubda ardıcıl 5 oyunda fərqlənən ilk futbolçu olub
İngiltərənin "Mançester Siti" klubunun futbolçusu Erlinq Holann UEFA Çempionlar Liqasında yeni rekorda imza atıb.
Norveçli hücumçu buna Almaniyanın "Borussiya Dortmund" komandasına qalib gəldikləri matçda fərqlənməklə nail olub.
Forvard qitənin bir nömrəli klub turnirinin əsas mərhələsində üç fərqli klubda ardıcıl beş matçda fərqlənən ilk oyunçudur. O, 2019/2020 mövsümündə Avstriyanın "Zaltsburq", 2020/2021 mövsümündə Dortmund "Borussiya"sının heyətində də bunu bacarıb.
Futbolçu Portuqaliya millisinin üzvü Kriştiano Ronaldonun da rekordunu təkrarlayıb. Hücumçu UEFA Çempionlar Liqasında üç mövsümdə ilk dörd turda fərqlənən ikinci oyunçudur. Ronaldo 2013/2014, 2017/2018 və 2021/2022 mövsümlərində bunu reallaşdırıb.
Qeyd edək ki, Erlinq Holann 2024-cü ildə də qitənin bir nömrəli klub turnirində rekord müəyyənləşdirib.
Kopyalandı
Seçilmişlər
