Erməni əsilli tennisçidən ölkəmizə qarşı təxribat

Rusiyanı təmsil edən erməni əsilli tennisçi Karen Xaçanov Böyük Dəbilqə seriyasında “Australian Open” yarışında ölkəmizə qarşı təxribata yol verib.

Turnirin 1/8 finalında yaponiyalı Yesexito Nisioka ilə qarşılaşmadan sonra Xaçanov kameranın obyektivinə separatçıları dəstəkləyən ifadələr yazıb.

Qeyd edək ki, bu, erməni əsilli tennisçinin ilk təxribatı deyil. O, daha əvvəl “Australian Open”in 1/16 finalında amerikalı Frensis Tyafu ilə görüşdən sonra da eyni addımı atmışdı. Məsələ ilə əlaqədar Beynəlxalq və Rusiya Tennis Federasiyalarına etiraz məktubları ünvanlanıb.