Pleyeri seçin:
“Eyüpspor” klubu Luka Modriçi heyətinə qatmaq niyyətindədir
Türkiyənin 2-ci divizionunun lideri "Eyüpspor" klubu "Real Madrid"in ulduzu Luka Modriçi transfer etməyi planlaşdırır.
Bu barədə Türkiyə KİV-i məlumat yayıb. Xəbərlərdə bildirilir ki, "Eyüpspor"un prezidenti Murat Özkaya artıq Modriçlə telefonda danışıb.
O, komandasının qarşıdakı hədəfləri barədə məlumat verərək, Lukaya Türkiyədə çıxış etməyi təklif edib. Lakin xorvatiyalı futbolçu hazırda transfer təkliflərini dəyərləndirmədiyini söyləyib.
Qeyd edək ki, 10 ildir “kral klubu"nun şərəfini qoruyan yarımmüdafiəçinin müqaviləsi mövsümün sonunda başa çatacaq. İspaniya mətbuatında yayılan xəbərlərə əsasən, “Real”ın prezidenti Florentino Peres ona daha bir illik sözləşmə təklif etməyə hazırlaşır.
Kopyalandı