Pleyeri seçin:
FIFA U-15 oyunlarının son günündə gərgin mübarizə - Baku TV
Xəbərlərimizi Google-da izləyin
Yeniliklərdən dərhal xəbərdar olun
Azərbaycan millisi Bakıda keçirilən FIFA U-15 dünya çempionatı və festivalında sonuncu oyununu keçirib.
Famil Xəlilovun baş məşqçisi olduğu kollektiv 83-cü yer uğrunda görüşdə Əfqanıstan yığması ilə qarşılaşıb. Oyunun əsas vaxtı 3:3 hesabı ilə başa çatıb. Penaltilər seriyasında isə rəqib 3:2 hesabı ilə qələbə qazanıb. Beləliklə, Azərbaycan millisi mundialı 84-cü pillədə başa vurub.
Xatırladaq ki, millimiz qrup mərhələsini 9 xalla üçüncü pillədə tamamlayaraq C divizionuna vəsiqə qazanıb. Komanda Timor-Leste üzərində 6:0, Andorra üzərində 1:0, İsrail üzərində isə 3:1 hesablı qələbə qazanıb. Avstraliyaya 1:3, Haitiyə isə 0:4 hesabı ilə məğlub olub.
C divizionunda 81–96-cı yerlər uğrunda keçirilən oyunlarda millimiz Çiliyə 1:3, Vyetnama 2:4 hesabı ilə uduzub, Cəbəllütariqi 5:1, Mozambiki isə 4:1 hesabı ilə məğlub edib.
Qeyd edək ki, turnirdə 189 FIFA-ya üzv assosiasiyasını təmsil edən komandalar iştirak edib. Yarış çərçivəsində ümumilikdə 1000-ə yaxın oyunun keçirilməsi nəzərdə tutulub. Çempionatın final qarşılaşmaları və bağlanış mərasimi bu gün Bakı Kristal Zalında keçiriləcək.
Kopyalandı
Seçilmişlər
