Futbol klubları yay transfer çalışmalarını davam etdirir

Futbol insayderləri, tanınmış idman nəşrləri və xəbər agentlikləri klubların transfer çalışmaları ilə bağlı maraqlı məlumatlar yayımlamaqda davam edir.

Son transfer xəbərlərini təqdim edirik.

“Sport Espana” nəşri: “Tottenham Hotspu”run mərkəz müdafiəçisi Kristian Romero “Atletiko Madrid”ə keçə bilər. Tərəflər sövdələşmənin şərtlərini demək olar ki, razılaşdırıblar.

Komanda 27 yaşlı futbolçunun transferi üçün təxminən 55 milyon avro və əlavə olaraq 10 milyon bonus ödəyəcək.

İnsayder Nikolo Skira: “Barselona” artıq “Mançester Yunayted”ə Markus Reşford üçün satın alma şərti ilə vəsait təklif edib. M.Reşfordun bu yay “Barselona”ya keçmək istədiyi güman edilir.

Portuqaliyanın “Sportinq” klubunun prezidenti Varandyaş Viktor Qyokeres haqqında:

Qiyməti deməyəcəyəm, oyunçu özü bunun nə olduğunu bilir. Bir şeyi deyə bilərəm: Viktor 70 milyon avroya heç yerə getməyəcək.

“Mirror” nəşri: Darvin Nunes bu yay “Napoli”yə keçməyə hazırlaşır, lakin İtaliya klubu “Liverpul”a 70 milyon funt-sterlinq ödəmək istəmir.

İnsayder Fabritsio Romano: Ceymi Bayno Qittes “Çelsi”yə keçib. Dortmund “Borussiya”sı ilə transferlə bağlı razılıq əldə olunub. “Çelsi” ilə 2032-ci ilin iyun ayına qədər müqavilə imzalanıb. London klubu eyni zamanda “Brayton”dan 50 milyon avroya Joau Pedrunu da transfer edib.