Futbol üzrə Azərbaycan çempionatında qalib müəyyənləşib

Futbol üzrə Azərbaycan çempionatında cari mövsümün qalibi müəyyənləşib.

32-ci turda “Sabah”ın qonağı olan “Qarabağ” qarşılaşmanın yekununda vaxtından əvvəl titulu təmin edib.

“Bayquşlar”ın stadionunda keçirilən görüşdə hesab fasilə ərəfəsində açılıb. 42-ci dəqiqədə Redon Cica 11 metrlik cərimə zərbəsindən fərqlənib. İlk yarı “köhlən atlar”ın minimal üstünlüyü ilə yekunlaşıb.

Məğlubiyyətlə barışmaq istəməyən meydan sahibləri 2-ci hissədə təzyiqi artırıblar. Bu, 73-cü dəqiqədə nəticə verib. Boyan Letiç Ağdam təmsilçisinin qapısına yol tapıb.

Qalan vaxtda da qapılar önündə təhlükəli vəziyyətlər yaransa da, başqa qol olmayıb. Matç 1-1 hesabı ilə başa çatıb.

Bu nəticədən sonra “Qarabağ” ardıcıl 4-cü, ümumən isə 12-ci dəfə Premyer Liqada qələbə qazanıb.

Qeyd edək ki, çempionatda 11 oyundur uduzmayan “Qarabağ” növbəti turda “Sumqayıt”ı qəbul edəcək. Bu qarşılaşma mayın 4-ü təşkil olunacaq.