“Futbolçularda psixoloji yorğunluq var” | Qurban Qurbanov

“Məğlub olsaq da, bu oyunun hamımız üçün faydalı olacağına inanıram”.

Bu sözləri “Qarabağ”ın baş məşqçisi Qurban Qurbanov UEFA Avropa liqasının əsas mərhələsində Bakıda İsveçin “Malmö” komandasına 1-2 hesabı ilə məğlub olduqları II tur oyunundan sonra təşkil olunan mətbuat konfransında deyib.

“İndi elə vaxtdır ki, bəlkə də futbolçular öz oyun ritmlərindən uzaqlaşıblar, psixoloji yorğunluq var. Bu komanda heç vaxt həvəsdən düşməyib. Sadəcə ola bilər ki, əvvəl daha istəkli idik. Bunu qəbul etməliyik. Bu oyun bir daha göstərdi ki, belə matçlarda daha çox motivasiya, dinamika olmalıdır, daha çox güc sərf etməliyik”, – o bildirib.