Gənclərdən ibarət yığmamızın İngiltərə fiaskosu | Ekspert Rəyi

Azərbaycan yığması 21 yaşadək futbolçular arasında keçiriləcək Avropa çempionatının seçmə mərhələsində növbəti dəfə fiasko ilə üzləşib.

Son turda ingiltərəli yaşıdlarının qonağı olan oyunçularımız 0-7 hesabı ilə məğlub olublar. Bununla da gənclərdən ibarət komandamızın zəif çıxışı ilə əlamətdar olan daha bir tsikl arxada qalıb.

Qitə çempionatının seçmə mərhələsinə məğlubiyyətlə başlayan futbolçularımız onu elə eyni formada da başa vurublar.

Futbolun yaradıcılarından alınan ağır dərsin yığmamıza nə qədər faydalı olacağı böyük sual doğursa da, daha bir sual hər bir azərbaycanlı futbolsevərin beynində yaranır.

Gənclərdən ibarət seçmədə belə çıxış edən oyunçular əsas milliyə keçdikdə hansı faydanı verəcəklər?

“Səbail”in baş məşqçisi Şahin Diniyev, məşqçi Arif Əsədov və idman jurnalisti Kənan Həsənov mövzunu şərh ediblər.